Энэ сарын 20-ны өдөр эдийн засагч Р.Шинэгэрэл ХХОАТ-ын 10 хувийг нэг хувь болгож бууруулах цахим өргөдөл санаачилсан юм. Тус өргөдөлд дөрөвдүгээр сарын 1-нд 100 364 иргэн гарын үсгээ зурж, УИХ-д өргөн баригдах боломжтой болсон. Харин өнөөдөр /2025.04.03/-нд УИХ-ын дарга Д.Амарбаясгалан нийтийн өргөдөлд дурдсан уг асуудлыг хэлэлцүүлж, шийдвэрлүүлэхээр Төсвийн байнгын хороонд шилжүүлж байгааг танилцууллаа. Энэ хууль батлагдвал иргэд, бизнес эрхлэгч, ажил олгогчдын төлж буй татварын хувь хэмжээ 9 хувиар буурах юм.