Засгийн газрын ээлжит 24-р хурал 08.00 цагт эхлэн үргэлжилж байна.

Өнөөдрийн хуралдаанаар,

• Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төсөл
• Засгийн газрын 2024-2028 оны үйл ажиллагааны хөтөлбөрт туссан мега төслүүдийн явцын талаар
• Ноолуур бэлтгэлийн явцын талаар
• “Даян дэлхийн ногоон хөгжлийн институтийн эрх зүйн байдал болон эрх ямба, дархан эрхийн тухай Монгол Улсын Засгийн газар болон Даян дэлхийн ногоон хөгжлийн институт хоорондын хэлэлцээр”-ийн төсөл
• “Тусгай зориулалтаар 2025 онд агнах, барих агнуурын амьтны тоо хэмжээг тогтоох тухай” Засгийн газрын тогтоолын төсөл зэрэг 34 асуудлыг хэлэлцэж, танилцах юм байна.

Засгийн газрын хуралдаанаар гаргасан шийдвэрийн талаар эргэн мэдээлнэ. Өнөөдөр мөн Л.Оюун-Эрдэнийн тэргүүлсэн хамтарсан Засгийн газар үргэлжлэх эсэхийг МАН-ын УЗ, Бага хурал хэлэлцэн, тодорхой улс төрийн шийдвэр гаргах хүлээлт бүхий өдөр юм.