2025 оны тавдугаар сарын 6-ны 21.00 цагийн орчимд менингококкт халдварын сэжигтэй тохиолдол бүртгэгдэж, батлагдсан талаар ХӨСҮТ-өөс мэдээлсэн. Тодруулбал, Сүхбаатар аймгийн Түвшинширээ суманд нэг настай хүүхэд менингококкт халдвараар өвдсөн тохиолдол бүртгэгдсэн. Тэгвэл тухайн хүүхдийн биеийн байдал дээрдэж байгаа бөгөөд аймгийн эмнэлэг рүү шилжүүлэн эмчилж байгааг албаныхан мэдээллээ.

Цахилгаан менингит буюу менингококкцеми өвчин үүсгэгч нь агаар дуслын замаар буюу шүлсээр дамжин халдварладаг. Энэ өвчний нийт тохиолдлын 80-85 хувь нь дөрөв хүртэлх насны хүүхдүүд өртөж байна. Тиймээс бага насны хүүхдийн нүүр хэсэгт үнсэхгүй байх, амнаасаа хүүхдээ хооллохгүй байх, бага насны хүүхдийг олон хүн цугласан газар авч явахгүй байхыг Халдварт өвчин судлалын үндэсний төвөөс анхаарууллаа.