Өчигдөр 22:23:18 цагт Хэнтий аймгийн Өмнөдэлгэр суманд 4.7 магнитудын хүчтэй газар хөдлөлт болсон. Газар хөдлөлтийн гол цэг нь Өмнөдэлгэр сумын төвөөс баруун хойд зүгт 109 км, Батширээт сумын төвөөс баруун зүгт 79 км, Төв аймгийн Мөнгөнморьт сумын төвөөс зүүн хойд зүгт 76 км зайд болсон юм.

Газар хөдлөлтийн чичирхийлэл тус аймгийн Өмнөдэлгэр, Батширээт, Биндэр сум, нийслэлийн нутаг дэвсгэрт мэдрэгдсэн бөгөөд учирсан хохирол бүртгэгдээгүй байна.

Он гарсаар Монгол орны нутаг дэвсгэрт 3.5- 5.1 магнитудын хүчтэй газар хөдлөлт 12 удаа бүртгэгджээ.