Булган аймгийн Хангал сумын Сөрт багийн “Дээд гурван- Эвэртэй” гэдэг газар ойн түймэр гарчээ. Энэ тухай дуудлагыг дөрөвдүгээр сарын 16-ны 19:59 цагт холбогдох албаныхан хүлээн авсан байна. Дуудлагын дагуу тус аймгийн Онцгой байдлын газрын Хангал сумын Хялганат тосгон дахь 50 дугаар ангийн алба хаагчид, орон нутгийн  иргэд ажиллаж дөрөвдүгээр сарын 27-ны 06:15 цагт цурманд оруулжээ. Уг гал түймэрт урьдчилсан байдлаар 20 га талбай шатсан байна. 

Мөн Булган аймаг, Орхон сум Ар булаг багийн “Ар булаг”-ийн даваа гэдэг газар хээрийн түймэр гарсан тухай дуудлагыг дөрөвдүгээр сарын 27-ны өдрийн 23:06 цагт хүлээн авсан байна. Тус сумын Засаг даргын Тамгын газрын даргаар ахалсан мэргэжлийн ангийнхан орон нутгийн иргэд ажиллаж 23:30 цагт цурманд оруулжээ. Улмаар дөрөвдүгээр сарын 28-ны өдрийн 00:35 цагт бүрэн унтраажээ. Уг гал түймэрт урьдчилсан байдлаар 0.2 га талбай өртөж шатсан талаар ОБЕГ-аас мэдээллээ.