2025 оны дөрөвдүгээр сард Улаанбаатар хотын цахилгаан эрчим хүчний шугам тоноглолд хуваарийн дагуу засвар хийж буй. Тэгвэл хуваарийн дагуу маргааш буюу дөрөвдүгээр сарын 14-нд нийслэлийн Чингэлтэй, Баянзүрх, Хан-Уул, Сонгинохайрхан, Налайх, Багахангай дүүрэг болон Төв аймгийн Зуунмод, Эрдэнэ, Архуст, Баяндэлгэр сумын зарим хорооны айл өрх, ААН-ийн тогийг хязгаарлаж, засвар хийх аж. Засварын ажлыг гүйцэтгэхдээ тухайн тоноглолыг эрчим хүчний хүчдэлээс салгасны дараа хийдэг тул иргэн, ААН-үүдийг хүлээцтэй хандахыг “УБЦТС” ТӨХК-аас зөвлөлөө.