Урин дулаан цаг болж, сурагчдын улирлын амралт эхэлсэнтэй холбоотойгоор хүүхэд багачууд нохойд хазуулах тохиолдол нэмэгдэх хандлагатай байгааг ГССҮТ-өөс мэдээллээ. 

2024 оны байдлаар улсын хэмжээнд нийт 4610 хүн нохойд хазуулж гэмтсэн бөгөөд үүний 77.2 хувь /3558/ нь нийслэлд бүртгэгдсэн байна. Нохойд хазуулсан шалтгаант өвчлөлийн 46.4 хувь /1651/-ийг 0-19 насны хүүхдүүд, тэр дундаа 5-9 насныхан хамгийн өндөр хувийг эзэлжээ.

Зөвлөмж:

• Нохойны хүзүү, сүүлнээс татахгүй байхыг хүүхдэд зөвлөх
• Уяатай болон эзэнгүй нохойд хүрэхгүй байх
• Гудамж, талбайд болгоомжтой явах
• Нохойтой айлд орохдоо уяатай болон хошуувчтай эсэхийг асуух
• Олон тооны нохдоос холуур явах
• Нохой дайрсан үед газарт суух, зугтаж гүйхгүйгээр биеэ хамгаалах
• Нохойтой айлууд хашааны нохдыг уях, гадуур сул тавьж явуулахгүй байх
• Гадуур нохойтой явахдаа хошуувч болон хүзүүвчтэй, хөтөлж явах
• Бага насны хүүхдийг нохойтой хамт орхихгүй байх /хэдий сургасан байсан ч санаандгүй тохиолдлоор хазах магадлалтай/
• Хоолоо идэж байгаа болон унтаж байгаа нохойг тайван байлгах талаар хүүхдэд сануулах

Хазуулсан тохиолдолд:

• Эмнэлгийн байгууллагад яаралтай хандах, вакцины тунд хамрагдах
• Хазуулсан газраас их хэмжээний цус гарсан тохиолдол шархыг цэвэр даавуу эсвэл зориулалтын боолтоор боож, яаралтай арга хэмжээ авах
• Халдвар авахгүйн тулд шархыг тогтмол цэвэрлэж, цэвэр боолтоор боох шаардлагатай аж.